الحب آالابدي

الـسلام علـيـكـم ورحـمة الله وبـركاته
مرحبا بكم في منتديات شباب 4ever


لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم






عام


    شعر صحي و جميل من غير وصفات

    شاطر
    avatar
    yomna
    عضو مبدع
    عضو مبدع

    عدد المساهمات : 391
    تاريخ التسجيل : 07/04/2011
    العمر : 22

    شعر صحي و جميل من غير وصفات

    مُساهمة من طرف yomna في الإثنين أبريل 11, 2011 2:24 pm

    ربنا خلقلنا شعرنا جميل حتى لو كان كيرلى بس احنا اللى بنبوظه بطريقة تعاملنا معاه والطريقة الصح هى:
    اول حاجة ازاى تغسلى شعرك؟!!!!
    هنستعمل شامبو و بلسم كل واحد لوحده نظام 2فى واحد ده ما ينفعش
    اول حاجة هترطبى شعرك بماء دافىء (مش سخن) عشان نتخلص من جزء من الاتربة والزيوت الموجودة فى شعرك
    بعدين تغسلى شعرك بالشامبو والموضوع مش بكتر الشامبو استعملى كمية مناسبة لطول شعرك و كثافته
    رغى شعرك وفروة راسك دلكيها باطراف الصابع مش بالاظافر ولو ما كانش فى رغوة ده هيكون بسبب وجود زيوت كتير فى شعرك
    ساعتها ما تحطيش شامبو زيادة
    اغسليه الاول وبعدين استخدمى الشامبو تانى و هيرغى المرة دى ان شاء الله اما اذا عمل رغوة من اول مرة مش لازم تغسليه بالشامبو تانى
    طيب لازم تشطفى شعرك كويس جدا جدا وتدعكى فروة راسك عشان لو فى بقايا شامبو او حاجة
    وكلمة جدا جدا مش معناها اننا نوقع شعرنا من كتر الغسيل كل شىء بالهدوء وبالراحة
    دلوقتى الشعرة نظفت ومستعدة للبلسم بتاعنا
    دلكى شعرك وفروة راسك بالبلسم وسبيه دقيقتين وبعدين اشطفى شعرك كويس
    نيجى لتنشيف الشعر
    بفوطة كدة وبالراحة نشفى شعرك بانك تحطيه فى الفوطة و اضغطى عليها باصابعك وبعدين نشفى فروة الراسبحركات خفيفة بالفوطة لا تتجاوز 2سم
    لما تيجى تسرحى شعرك سرحيه من تحت لفوق وبمشط خشب فتحاته واسعة
    لو ربطيه بتوكة استيك كحكة حاولى ما تخليش اطراف الشعر جوة الاستيك و خليها سايبة عشان ما يتقصفش
    ملحوظة: لو ما غسلتيش شعرك من الشامبو او البلسم كويس ممكن يكون ده سبب للقشرة
    ولو طلعتلك قشرة ده هيضعف الشعرة ومش هيوصل اى غذاء فى اى زيت او لوسيون لفروة راسك
    يفضل استخدام بلسم بالبروتين (لاكتويل الاخضر)
    يفضل استخدام نوع الشامبو الملائم لشعرك
    ما تستخدميش كمية شامبو او بلسم كتير عشان ما يتعبكيش فى الشطف او ما تعرفيش تشطفيه كويس
    نشفى الشعر بالراحة مش بخناقة عشان ما يتقطعش ولا يتقصف
    سرحيه من تحت لفوق عشان يتسلك لو فى اى عقد و باقل الخسائر
    حاولى تعملى حمام كريم ولو مرة واحدة فى الاسبوع
    كلى خضار و فواكه كتير لان ده اصل الشعر الصحى
    سوء التغذية او النيميا يؤدى لسقوط الشعر و بالتالى حاولى تعالجى السبب اللى ادى لوقوع الشعر من الاصل
    لو حامل او بترضعى اهتمى بغذائك و خدى الفيتامينات اللى يقولك عليها الدكتور
    احسن حاجة للشعر من الخضروات هى الورقيات ذى الجرجير و السبانخ وغيره
    وبكده لا فى تقصف ولا قشرة ولا سقوط للشعر وشعرك هيكون صحى ولامع ان شاء الله

    .وممكن بعد ما تغسلى شعرك تستخدمى نوع الكريم او الزيت اللى بيريك


    --------------------------------------------------------------------------------


    avatar
    LoLo
    عضو مبدع
    عضو مبدع

    عدد المساهمات : 356
    تاريخ التسجيل : 06/04/2011
    العمر : 21

    رد: شعر صحي و جميل من غير وصفات

    مُساهمة من طرف LoLo في الإثنين أبريل 11, 2011 6:29 pm

    هخلي أصحابي إلي شعرهم مش ناعم يجربوها


    --------------------------------------------------------------------------------



      الوقت/التاريخ الآن هو الأربعاء أكتوبر 24, 2018 10:27 am