حاجات بنقولها يوميا وما نعرفش حرمنيتها

1 - كلمة و النبى
اوقات كتير بنقولها لما نطلب من حد حاجة و تقريبا على طول بنقولها بس انا عرفت انها تعتبر حلف بغير الله و احنا عارفين انه لا يجوز ابدا الحلف بغير الله لا الحلف بغير الله حرام

2 - امسكى الخشب
ودى بقي زى اللبانة فى بقنا كتير بنقولها لبعض .. هتقولولى طب و فيها ايه .. هقولكم مش احنا لما بنقولها ساعات بيبقي كنوع من الحماية وده طبعا حرام لان الاعتقاد بأن هناك ما يضر او ينفع غير الله سبحانه و تعالى يعتبر شرك

3 - لما حد يخمس في وش حد
اعتقادا منه انه لما يخمس كدة الخمسة هتحميه من الحسد وده طبعا بردوا يعتبر شرك اصغر

الخلاصة :
كلنا عارفين ان هناك شرك اكبر و شرك اصغر و كل الحاجات اللى انا قولتها فوق دى تعتبر شرك اصغر و اغلبنا و انا اولكم بيقولها عادى بحسن نية و لانه مايعرفش انها غلط ... بس دلوقتى انا عرفت انها مش مستحبة خااااااااالص فقلت طب ليه انا مااحسنش لسانى و ابطل اقولها تجنبا بردوا لاى شبهة و قولت بردوا اكتب عنهم عشان اللى ماكنش يعرف زيى يعرف و يحسن من نفسه بردوا

طب و ايه الكفارة ؟؟؟؟؟؟؟؟؟؟؟
حاجة بسيطة قوى وهى لو غلطنا وقولناها نقول على طول : " لا اله الا الله " و نحاول نخلى بالنا

عندى اقتراح : لو حد عنده اضافات يعنى اخطاء تانية بنعملها و احنا مش حاسين ياريت مايبخلش علينا و يقولنا

مشكوووور على هذا التنبيه





وفقت

يعطيك ألف عافية على التحذيرات الهامة في هذه الأمور

شكرا ليكي و جزاك الله خيرا